Ovo san već nekoliko puta napisa u komentarima, ali neka, ponavljat ću da me cili svit čuje. 'Judi moji, iman 50 godin i živin za 'Ajduk od kad znan za se. U životu san gleda vrhunskega 'Ajduka, prosječnog 'Ajduka i lošeg 'Ajduka. 'Ajduk ima 109 godin, i znan da 'moredu umrit svi kra'ji i cari ma 'Ajduk će ostat zauvik', šta znači da je 'Ajduk tek kročija u zrile godine. Ali jedno je činjenica, u ciloj ovoj 'Ajdukovoj povisti 'Ajduk NIKAD nije bija gori nego od kad ga je Udruga uzela pod svoje. I njiova će proć, ka' i svačija, ali povist će in pantit ime. Pantit će ih ka'one ča su 'Ajduka surgali na najniže grane od kad je baluna u Split. Sramit će ih se njiova dica. Da mi je nikor reka tamo početkon 1990-ih da će u Rvacku ligu Dinamo osvojit višje trofeji nego naš 'Ajduka ja bi mu reka - more bit, jerbo je Dinamo iz većeg i glavnega grada države, di je višje pinezi nego u Split. Ali da mi je nikor reka da će 'Ajduk postat šprdnja Rvacke lige ja bi mu bija reka - ti si čoviće lud, ajde se ličit. A eto, i to se dogodilo pod našon Udrugon. Znan da to nisu tili, ali to je rizultat njiovoga rada i to će povist zauvik pantit. Nedaj Bog da me ikor ikad, mene ili nekoga mojegs, sa Udrugon poveže. Daleko in bila lipa kuća.